Ağayev Namiq

Baş İnzibatçı

13 fevral 1966-cı ildə Yardımlı rayonu Porsova Kəndində anadan olub.
1983-cü ildə Porsova kənd orta məktəbini bitirmişdir. Elə həmin ildən M.A.Əliyev adına Azərbaycan Dövlət İncəsənət İnstituna daxil olmuşdur. 
 1984-1986-cı illərdə keçmiş Sovetlər birliyinin Amur vilayəti və Xabarovski diyarında tank qoşunları sırasında xidmət etmişdir. 
 1989-cu ildə İncəsənət İnstitunu əyani bitirib Mədəni-maarif işinin təşkilatçı metodisti ixtisasına yiyələnmişdir. Həmin ildə təyinatla gənc mütəxəssis kimi N.B.Vəzirov adına Lənkəran Dövlət Dram Teatrına işləməyə göndərilmişdir. 
 Teatrda baş inzibatçı vəzifəsinə təyin edilmişdir. 1992-ci ildən Azərbaycan Teatr xadimləri İttifaqının üzvüdür. 
1992-1998-ci illərdə teatrda direktor müavini vəzifəsində çalışmışdır. 
28 iyun 1997-ci il “İnam” Plüralizm Mərkəzinin Böyük Britaniyanın Demokratiya üçün Vestminister fondunun yardımı ilə “Gənc Siyasətçilər Məktəbi”ni bitirmişdir. 
1998-1999-cu illərdə qısa zaman kəsiyində teatrın bədii quruluş hissə müdiri olmuşdur. 
Uzun müddət siyasətlə məşğul olmuşdur, bir neçə çağırış məntəqə seçki komissiyasının üzvü kimi fəaliyyət göstərmişdir. 
Hal-hazırda teatrda baş inzibatçı vəzifəsində çalışır. 
Yeni Azərbaycan partiyasının üzvüdür. 
Ailəlidir. Üç övladı var.