Əbülfəz Axundov

Dram artisti

Əbülfəz Dadaş oğlu Axundov 1972-ci ildə Lənkəran rayonunun Şağlakücə
kəndində anadan olub. 1979-89-cü illərdə Şağlakücə kənd orta məktəbində təhsil
alıb.
1989-94-cü illərdə Azərbaycan Dövlət Mədəniyyət və İncəsənət Universitetinin
«Dram və kino aktyorloğu» fakültəsində ali təhsil alıb. 1996-cı ilin sentyabrından
Lənkəran Dövlət Dram Teatrında aktyor kimi əmək fəaliyyətinə başlayıb. 1998-99-
cü illərdə hərbi xidmət keçəndən sonra yenidən doğma teatra qaıdıb.
Ötən müddət ərzində o, 60-dan çox tamaşada irili-xırdalı rollar yaradıb. Qarakişi
(“Gəl qohum olaq”, İ.Məlikzadə), Məlik Məlikzadə (“Eh, qadınlar, qadınlar”,
M.Haqverdiyev), Cəbi (“Hacı Qənbər”, N.B.Vəzirov), Məhəmməd xan (“Nadir
şah”, N.Nərimanov), Qulam (“Pul dəlisi”, Ə.Orucoğlu), Şahin (“Məni qınamayın”,
Hidayət), Kor heykəltaraş (“Şeytanın oyunları”, M.Xubai), Qulam (“Şeytan işığı”,
K.Nəzirli), Manilov (“Ölü canlar”, N.Qoqol), Mirzə Həbib (Lənkəran xanın
vəziri”, M.F.Axundov), Paskuele (“Ruhlar”, E.Filippo), Birinci kor (“Korlar”,
M.Meterlink), Axund (“Vəfalı Səriyyə” C. Cabbarlı) və s. bu kimi obrazlar
aktyorun rəngarəng yaradıcılıq palitrasının nümunələrindəndir.
Ə.Axundov həmçinin bir neçə teleseriala da çəkilib.
Səmərəli səhnə fəaliyyətinə görə aktyor 2016-cı ildə “Fəxri mədəniyyət işçisi”
adına, 2021-ci ildə isə Prezident mükafatına layiq görülüb.