Nizami Qurbanov

Yardımçı heyət artisti

Nizami Vidadi oğlu Qurbanov 4 avqust 1982-ci ildə Lənləran şəhərində anadan olmuşdur. 2000-ci ildə orta məktəbi bitirmiş, daha sonra 113 saylı Lənkəran şəhər texniki peşə məktəbində mühasib ixtisasına yiyələnmişdir. 2009-cu ilin dekabrından Lənkəran Dövlət Dram Teatrında çalışır. Səhnə quraşdırıcısı vəzifəsində çalışmaqla bərabər ayrı-ayrı tamaşalarda epizodik rollarda oynamışdır. Hazırda baş səhnə maşinistidir.

İfa etdiyi rollar: Kərəməli (“Hacı Qara”, Mirzə Fətəli Axundzadə), Qulaməli (“Ay lolo və ya moskvalı gəlin” , Hafiz Mirzə), Məstan (“Dəcəl keçi”, Pərvin Nurəliyeva), Siçan (“Çəkməli pişik və ya Şahzadə Pyer”, Şarl Perro), Yüzbaşı (“Danabaş kəndinin məktəbi”, Cəlil Məmmədquluzadə), İkinci oğlan (“Xortdanın cəhənnəm məktubları”, Əbdürrəhman bəy Haqverdiyev), İkinci mühafizəçi (“Şaxta baba və pərilər”, Emil Əsgərov), Cırtdan (“Qaraca qız və xallı ifritə”, Tərlan Abdullayev), Siçan (“Meşəbəyinin dostları”, Əjdər Ol), Pəhləvan (“Yetim Rac”, Oruc Qurbanov), Qnom və Pişik (“Balaca qara qız”, Tərlan Abdullayev), Kötük (“Əlibaba və qırx quldur”, nağıl-tamaşa), Təlxək (“İlan sultan”, Bəhram Beyzayi).