Martın 31-i Lənkəran Dövlət Dram Teatrı Ağsu rayonunun Gəgəli kəndində qastrol səfərində olub

31 Mart 2024

Teatrın heyəti əvvəlcə Gəgəli kəndinin Şəhidlər Xiyabanını ziyarət edib.

Daha sonra Gəgəli kəndi Tərəkəmə yurdu folklor turizmi məkanında - Axtaçı obasında Anar Babalının müəllifi və quruluşçu rejissoru olduğu, 44 günlük Vətən müharibəsinə həsr olunmuş "Haqqın 44 günü" kompozisiya-tamaşası nümayiş etdirilib.

Nümayişdən əvvəl Gəgəli Bələdiyyəsinin sədri, tarix üzrə fəlsəfə doktoru Fariz Xəlilli, Xalq artisti Qabil Quliyev və Lənkəran Dövlət Dram Teatrının baş rejissoru, direktor v.i.e. Anar Babalı çıxış edərək tamaşaçıları salamlayıb.

Tamaşada rolları Səyad Əliyev, Gülər Kərimova, Emil Rzayev, Aysel Babazadə, Günel Abbaszadə, Vəfa Hacızadə, Teymur Hacızadə və Amil İbrahimli ifa edib.

Nümayişdən sonra şəhid atası Pərviz Quliyev, qazi Mehdi Cərullayev, Dağlıq Şirvan Regional Mədəniyyət İdarəsinin əməkdaşı Cavanşir Şeydazadə çıxış edərək təəssüratlarını bölüşüblər.

Qeyd edək ki, tamaşanın nümayişi 31 mart - Azərbaycanlıların Soyqırımına həsr edilib.

 

https://www.youtube.com/watch?v=4bqc-sB-VHw