"Arı pətəyi"nin premyerası keçirilib

6 Noyabr 2023

Noyabrın 5-i Lənkəran Dövlət Dram Teatrında “Arı pətəyi” uşaq tamaşasının premyerası keçirilib.

Emil Əskərovun lənkəranlı müəllif Şəfahət Şəfinin eyniadlı əsəri əsasında hazırladığı tamaşada balı sevməyən dəcəl oğlandan söhbət açılır. Anasının oxuduğu nağıl sayəsində arıların sehrli dünyasına düşən oğlan arıların balı necə hazırlaması, pətəkdəki arıların vəzifələri və arıların hazır balı düşmənlərdən qorumaq uğrunda apardığı mübarizə ilə tanış olur. Bundan sonra oğlan balı sevməyə başlayır.

Tamaşanın quruluşçu rəssamı Nərgiz Baxşızadə, geyim üzrə rəssamı Gülü Süleymanlı, musiqi tərtibatı Vüqar Fərəcov, prodüseri Emin Fərzullayev, rejissor assistenti Günay Səlimzadədir.

Rolları Ayşən Əsədova, İmaməli Əskərov, Əlirza Şahbazi, Saleh Əzimzadə, Məleykə Cəfərova, Aysel Babazadə, Teymur Hacızadə, Vəfa Hacızadə, Nizami Qurbanov, Amil İbrahimli ifa edir.