"Xalq artisti Qabil Quliyevin 75 illik yubileyi keçirilib"

22 aprel 2024

Qabil Quliyevin 75 illi yubileyi keçirilib

 

Aprelin 22-si Lənkəran Dövlət Dram Teatrında Azərbaycan Respublikasının Xalq artisti, Azərbaycan Respublikası Prezidentinin fərdi təqaüdçüsü Qabil Quliyevin 75 illik yubileyi keçirilib.

 

Lənkəran Şəhər İcra Hakimiyyətinin İctimai-siyasi və humanitar məsələlər üzrə müavini Ülviyyə Əliyeva, Lənkəran-Astara Regional Mədəniyyət İdarəsinin rəisi Bəxtiyar Qılıncov, Akademik Milli Dram Teatrının direktoru v.i.e. İlham Əsgərov, Füzuli Dövlət Dram Teatrının direktoru Vaqif Vəliyev, Bakı Uşaq və Gənclər Teatrının baş rejissoru İlhamə Əhmədova, Azərbaycan və Kalmıkiya Respublikalarının Əməkdar incəsənət xadimi, rejissor Bəhram Osmanov, Sənətşünaslıq üzrə fəlsəfə doktoru, Azərbaycan Dövlət Mədəniyyət və İncəsənət Universitetinin dosenti, teatrşünas Vidadi Qafarov, Xalq Artisti Əli Nur və Azərbaycan Teatr Xadimləri İttifaqının Gənclər şöbəsinin müdiri Dağlar Yusif çıxış edərək yubilyara arzularını bildirib, ona hədiyyələr təqdim ediblər.